Accidenti gravi in Bigornu

Un ghjuvanottu di 25 anni in scooter hè statu feritu di manera gravi in un inticciu cù un camiò sta mani versu 8 ori è mezu in Bigornu. A vittima hè stata purtata à u spidali di Bastia da l’elicotteru Dragon 2B di a Sicurità Civili.

7782980833_un-camion-de-pompiers-illustration

Publicités

Naziunali 2 : vittoria di u Sporting in Mulhouse

Dopu à a so vittoria in casa (3-1) contru à Reims, i Bastiacci ani vintu arrisera annantu à u tarrenu di Mulhouse (1-2). U SCB chì pirdia dighjà à a 5esima minuta hà luttatu fin’è l’ultima pà cambià l’affari. Ani marcatu Mesbah (28′) è Esthimi (86′). Hè cusì chì dopu à dui scontri, i Turchini sò sicondi di u campiunatu incù 6 punti. Prossimu scontru : sabbatu chì veni in Furiani (6 ori di sera) contru à a riserva di u LOSC.

IMG_20190818_104151

Naziunali : U Gazélec piglia un puntu in Tulò (1-1)

Arrisera in Tulò, cuminciava mali l’affari pà u Gazélec chì à a 27esima minuta, Dumenicu Guidi marcava contru à u so campu. Dopu à quissa, i Rossi è Turchini ani fattu tuttu pà cambià u risultatu fin’è a 63′ cù sta reti di Virgile Piechocki chì ricumpensa i sforzi di u GFCA è li dà u so prima puntu di a staghjoni (1-1). Vennari chì veni, l’Aiaccini ricivarani u FC Bastia Borgu à u stadiu Ange Casanova!

IMG_20190817_095807.jpg

Bella vittoria di l’ACA (1 à 0)

Dopu à a so vittoria marti scorsu contru à Valenciennes in Cuppa di a Liga (4-1), i Bianchi è Rossi sò andati à batta à Châteauroux à u stadiu Gaston Petit cù Gaëtan Courtet chì hà marcatu pà a 4a volta dipoi u principiu di a staghjoni (8′) è parechji belli arresti di Benjamin Leroy chì hà salvatu a so squadra tinendu u risultatu fin’è a fini (1-0). Hè cusì chì a squadra di l’Orsu si ritrova à a 7esima piazza di a classifica incù 7 punti. Avà, l’ACA s’appronta à riceva u Paris FC vennari u 23 d’aostu in Timizolu.

IMG_20190817_094229.JPG

 

A Murgana : l’associu chì faci campà u paesi di Villanova tuttu l’annu

Com’è tutti l’anni, in lu paesi di Villanova, l’associu A Murgana ch’affesta i so 18 anni, organizava dui belli ivinimenti u 14 è u 15 d’aostu ghjornu di Santa Maria è festa di u paesi. Arrisera, erani più di 200 parsoni à fà a festa pà u ballu animatu da u DJ di Fun Radio, à biasi un culpettu è à magnassi un bucconi. Stu ghjovi dopumeziornu, più di 30 zitelli si sò campati cù una billissima stonda di ghjochi accantu à a casa cumuna da a corsa cù i sacchi à u tiru à a corda passendu pà a corsa cù l’ovi è a pezza da truvà in la farina ! À a fini, tutti i zitelli t’ani avutu i belli rigali! Com’ellu a ci dici u so prisidenti in funzioni dipoi 2012 Natale Casasoprana : « A Murgana hè un associu culturali, spurtivu è suciali cumpostu di 12 benevulenti è più di 120 aderenti chì si dani di rimenu parchì u paesi campessi tuttu l’annu. » Biscottu di i rè, sirati pulenta, brunch, china, Carnavali : eccu quì unipochi d’asempii d’attività è di stondi organizati à u filu di i staghjoni da un associu assai attivu ch’ùn viaghja cà cù i so benefizii è i so adesioni. Suviteti puri l’attualità di A Murgana annantu à a so pagina Facebook : https://www.facebook.com/amurgana.villanova

68293408_734374060327326_3296121798902415360_nI zitelli si sò campati tuttu u dopumeziornu cù tanti belli ghjochi !

received_592317631174454.jpeg

U ballu di Villanova!

Ritrattu : Pauline Paldacci